Verkefnið Kynlíf og krabbamein, sem verið hefur í gangi á LSH undanfarin tvö ár, hefur nú verið útvíkkað fyrir fleiri sjúklingahópa og kallast nú Kynlíf og veikindi.
Vefsíðan kynlifogveikindi.is hefur verið sett upp af því tilefni en á vefsíðunni er einnig að finna allt efni sem er inni á vefnum kynlifogkrabbamein.is
Vikuna 8.-12. apríl 2013 verður haldin vika kynlífs á Landspítala-háskólasjúkrahúsi undir heitinu Kynlíf og lífsgæði.
Tilefnið er að fagna áframhaldi verkefnisins Kynlíf og krabbamein sem verið hefur í gangi á LSH undanfarin tvö ár. Verkefnið hefur nú verið útvíkkað fyrir fleiri sjúklingahópa og kallast Kynlíf og veikindi.
Smelltu á auglýsinguna til að stækka letrið
Verkefnið Kynlíf og krabbamein var kynnt á fundi Fagráðs krabbameinshjúkrunafræðinga 13.desember 2012.
Verkefninu, sem staðið hefur yfir á Landspítala-háskólasjúkrahúsi í tvö ár, lýkur formlega um næstu áramót.
Megin markmið með verkefninu hefur verið að:
1. Fræða og þjálfa heilbrigðisstarfsfólk til að greina og vinna með kynlífstengd vandamál hjá sjúklingum með krabbamein svo það verði sjálfssagður liður í meðferð.
2. Bjóða krabbameinssjúklingum og aðstandendum sérhæfða kynlífsráðgjafaþjónustu.
Ákveðið hefur verið að stækka verkefnið og bæta við eftirfarandi sjúklingahópum: sjúklingar með MS, nýrnasjúkdóma, ígrætt líffæri, sykursýki og gigtarsjúkdóma en öðrum sérgreinum, bæði fagfólki og sjúklingahópum innan Landspítala-háskólasjúkrahúss mun einnig verða sinnt.
Kynfræðifélag Íslands (Kynís) heiðrar annað hvert ár, með viðurkenningu, félagasamtök eða verkefni sem Kynís þykir hafa skarað framúr á sviði kynfræði.
Í ár hlaut verkefnið Kynlíf & krabbamein viðurkenninguna.
Vilhelmína Haraldsdóttir framkvæmdastjóri lyflækningasviðs LSH tók við viðurkenningunni fyrir hönd aðstandenda verkefnisins þann 5. desember 2012.
Krabbameinsfélag S-Þingeyinga stóð fyrir Bleiku boði miðvikudagskvöldið 28.nóvember s.l. Gestir kvöldsins fjölmenntu frá Húsavík og nærsveitum til að njóta fjölbreyttrar dagskrár.
Þar greindi Jóna Ingibjörg Jónsdóttir frá innleiðingu krabbameinskynfræði á Landspítala-háskólasjúkrahúsi með verkefninu Kynlíf og krabbamein.
Í haustfræðslu á deildum sem taka þátt í verkefninu Kynlíf og krabbamein eru afhentar greinar sem nýst geta sem ítarefni um áhrif krabbmeins á kynlíf.
Eftirfarandi grein var afhent á fræðslufundi meðal starfsfólks á blóðlækningadeild 11G.
Í tengslum við verkefnið Kynlíf og krabbamein var kveðið var að búa til einn almennan blöðung um kynheilbrigði, kynlíf og krabbamein sem gæti hentað flest öllum sjúklingum. Blöðunginn er hægt að nálgast á þeim deildum sem hafa tekið þátt í verkefninu á Landspítala-háskólasjúkrahúsi.
Hér er blöðungurinn: Kynheilbrigði, kynlíf og krabbamein
Verkefnið Kynlíf og krabbamein verður kynnt á XIX. þingi Félags íslenskra lyflækna 16.-17. nóvember 2012 í Hörpu í Reykjavík.
Á laugardeginum verða kynntar nýjungar í krabbameinshjúkrun, þar á meðal um verkefnið Kynlíf og krabbamein. Jóna Ingibjörg Jónsdóttir flytur erindi sem nefnist Kynlíf og krabbamein: innleiðing krabbameinskynfræði (oncosexology) á Landspítala- háskólasjúkrahúsi. Einnig mun Nanna Friðriksdóttir halda erindi tengt verkefninu sem nefnist Fræðsluþarfir krabbameinssjúklinga í lyfja- og geislameðferð og aðstandenda þeirra.
Hér má sjá drög að dagskrá eins og hún leit út 1. nóvember 2012.
Þegar verkefnið Kynlíf og krabbamein hófst í byrjun árs 2011 var haldin vinnusmiðja með Woet Gianotten.
Hér má sjá vinnusmiðjuna á you tube.
Í haustfræðslu á deildum sem taka þátt í verkefninu Kynlíf og krabbamein eru afhentar greinar sem nýst geta sem ítarefni um áhrif krabbmeins á kynlíf.
Eftirfarandi grein var afhent á fræðslufundi meðal starfsfólks á kvenlækningadeild 21A.